روهیت شرما په نړیوالو کرکټ کې د هند کرکټ ملي لوبډلې مشري کوي؛ خو فټنس ستونزو له امله تل تر نېوکو لاندې وي او همدا لامل دی چې یا ډېر وخت آرام کوي او یاهم ټپي وي.
نوموړی په دې وروستیو کې د خپل کیریر په خراب حالت کې قرار لري او په پرلپسې توګه نه ځلېږي، چې د پخوانیو کرکټرانو او مینه والو لخوا د له غبرګون سره مخ شوی او په هغه نېوکې کېږي.
د هند د ۱۹۸۳م کال نړیوال جام ګټونکي لوبډلمشر کپیل دیو د روهیت د کرکټ مهارتونه ستایلي؛ خو ویلي یې دي چې هغه د روهیت شرما د فټنس په اړه جدي شک لري.
کپیل دیو وایي، په روهیت شرما کې کومه نیمګړتیا نشته. هغه یو ښه توپ وهونکی دی؛ خو د هغه د فټنس په اړه یو لوی سوال دی، چې ایا هغه لوبو ته برابر دی؟ ځکه چې یو لوبډلمشر باید نور فیټنس ته وهڅوي.
کپیل وویل که روهیت خپل فټنس ښه کړي، دا به د نورو لوبغاړو لپاره د هڅونې په توګه کار وکړي. هغه زیاتوي، زه پوهیږم چې هغه د ویرات کوهلي څخه د لوبډلمشرۍ له اخیستو راهیسې روهیت منډې ندي کړي؛ خو زه فکر نه کوم چې د هغه په مهارتونو کې کومه ستونزه ولري؛ خو فیټنس یې جدي ستونزه ده.
Related
#کپیل #دیو #روهیت #شرما #فټنس #په #اړه #پوښتنې #راپورته #کړي #هنرستان
